ფილიპ კ. დიკის ნახევრადბიოგრაფიული „ბუნდოვნად, სკანერში“ თანამედროვე მსოფლიო ლიტერატურის უდიდესი ნაწარმოებია, რომელიც სცდება ფანტასტიკის ჟანრს და ყველაზე სევდიან, უიმედო და ტრაგიკულ ამბავს გვიყვება. ეს წიგნი სწორედ ის სახელმწიფოა, რომელსაც მხოლოდ ადამიანთა მოხმარება, გამოყენება, მათი უხილავი ძაფებით დამორჩილება და, სურვილის შემთხვევაში, ამავე ძაფებით მოხრჩობა შეუძლია. ეს წიგნი ჩაკეტილი წრეა, საიდან გასვლაც მხოლოდ იმიტომ არ სურთ, რომ მისი გარღვევა შეუძლებელია, ეს ჯერ ვერავის მოუხერხებია და თუ ვინმეს გაუღწევია, გარეთ კიდევ ერთი წრე დახვედრია.