დავით დეფის პოეზიის კიდევ ერთი ახალი, მეშვიდე წიგნი, სახელწოდებით "თქვენ შორის ღმერთია". ტექსტის განსახილველად ან წიგნის ანოტაციისთვის, ყველაზე უკეთ ალბათ ეს ორი შეფასებაც გამოდგება:“მისი არტისტული სამყარო ძალიან მდიდარია. დავით დეფი ცნობილია, როგორც სიტყვის ოსტატი. მისი ნაწარმოებები, პოეზიაც და პროზაც, ჩემი აზრით უკიდურესად უნიკალურია და მიმზიდველი. ის გლამურულ ავტორთან ერთად ახალი სამყაროს პოეტია, რადგან მის ტექსტებში, ვიზიონერულ ხილვებთან და ფილოსოფიურ ნიუანსებთან, წერის დახვეწილი და დელიკატური სტილი, ზედმიწევნითი ორგანულობითაა შერწყმული. დეფი ჩვენი დროის ექსტრაორდინალურად ინტელექტუალური პოეტი და რომანისტია, რომელსაც წილად ხვდა ლიტერატურული და საზოგადოებრივი წარმატება.” გაგა ლომიძე. საქართველოს შოთა რუსთაველის სახელობის ლიტერატურის ინსტიტუტი. “დავით დეფი დირიჟორობდა ლეგენდარულ კერპს ლორი ანდერსონს... ამაღლებული ალქიმია... პოეტის ხმა უსუფთავესად გაისმის და ყველგანშემღწევია... მისი ნაწამოებები, უნიკალური ქართული ენით, დასავლური კულტურის გავლენასაც ირეკლავს და ორგანულად ითავსებს პერფომანსის ხელოვნებას, მუსიკას, პოეზიასა და რომანს. დეფის სიყვარული ენისადმი და რითმისადმი გადამდებია.” ჯოი სტოკი. უაილდ რივერ რევიუ ნიუ იორკ. მთავარი ედიტორი. ვრცელი მიმოხილვა.