ამ წიგნში დომინანტი ფერი მუქი წითელია. მასში ბევრი რამ იგულისხმება: წარსული, ოჯახი, ბავშვობა, ქვეყანა და ადამიანები, სიყვარული, სისხლი, სიცოცხლე... და ამ ყველაფერს თან ახლავს ერთგვარი ნოსტალგია – ისიც მეწამულად შეფერილი, მკვეთრი და უსასრულო – ლექსების უმრავლესობა ხომ პოეტის უცხოეთში ცხოვრების პერიოდშია შექმნილი. „სიშიშვლის დეტექტორი“ ბელა ჩეკურიშვილის მეხუთე პოეტური კრებულია. მათგან ერთი, Wir, die Apfelbäume („ჩვენ, ვაშლის ხეები“) გერმანულ ენაზე გამოიცა ჰაიდელბერგში 2016 წელს.