ჯეისონ ბორნი საფრანგეთის ერთ პატარა, ზღვისპირა ქალაქში, გალოთებული ექიმის ქოხში იღვიძებს. მას აღარაფერი ახსოვს – ვინ არის, რა დაემართა... მაგრამ, სულ მალე აღმოაჩენს, რომ ფლობს რამდენიმე ენას, დახელოვნებულია აღმოსავლურ ორთაბრძოლებში და, რაც მთავარია, ანგარიშზე რამდენიმე მილიონი დოლარი აქვს. ასეთი მონაცემებით ახალი ცხოვრების დაწყებაც შეიძლებოდა, მაგრამ ბორნი ასევე აღმოაჩენს, რომ მასზე ნადირობენ ამერიკის შეერთებული შტატებისა და ევროპის სახელმწიფოების სპეცსამსახურები, მისი სიკვდილი სურს საერთაშორისო დანაშაულებრივი სინდიკატის ბოსსაც. ბორნი გამუდმებით გარბის და იმისთვის, რომ სამშვიდობოს გავიდეს, უნდა გაარკვიოს, ვინ არის და როგორ აღმოჩნდა ამ მოჯადოებულ წრეში.