„საქართველოს იმედის“ ხატზე ორას სამოცდაათამდე წმინდანია გამოსახული. ეს სერია მოიცავს ხატზე გამოსახული ყველა წმინდანის ცხოვრებას. ხატზე ყოვლადწმინდა სამების მარჯვნივ და მარცხნივ ქერუბიმი და სერაფიმი არიან გამოსახულნი, ხოლო ხატის ზედა, ჰორიზონტალურ ზოლში - უფლის მთავარანგელოზნი. ვინ არიან ანგელოზები? რა არის ჩვენთვის ცნობილი მათზე? როგორ და როდის წარმოიშვნენ, ყველას ერთნაირი ბუნება მიენიჭა თუ არა და როგორია იგი, რისთვის არიან მოწოდებულნი და როგორ არსებობენ? ამ კითხვებზე პასუხს წმინდა მამათა სწავლებებსა და წმინდათა ცხოვრებებში ვპოულობთ. წინამდებარე წიგნი უფლის ანგელოზებს ეხება. მომდევნო წიგნებშიც თანმიმდევრულად გაცოცხლდება თქვენს თვალწინ ქრისტიანობის ისტორია საქართველოში და ხატზე გამოსახული თითოეული წმინდანის ცხოვრება.