წიგნი რუსულიდან თარგმნა თამრი ფხაკაძემ. კლასიკოსები ბავშვებისთვის – ის, რასაც არ ელოდით ლევ ტოლსტოი, ვირჯინია ვულფი, ჯეკ ლონდონი, უილიამ ფოლკნერი, ოსკარ უაილდი, ჯ.რ.რ. ტოლკინი... თავიანთი შემოქმედებით მათ სამუდამო კვალი დატოვეს მილიონობით ადამიანის აზროვნებასა და შემეცნებაზე. დიახ, მილიონობით ადამიანი კითხულობდა და კითხულობს მათ შემოქმედებით მემკვიდრეობას, მაგრამ ხშირად ვერც კი წარმოუდგენია, რომ ისინი... ხანდახან ბავშვებისთვისაც წერდნენ. „კლასიკოსები ბავშვებისთვის“ გაახარებს და გააოცებს მკითხველს. აქ, ამ სერიაში, 12 უდიდესი ავტორის იშვიათი, მოულოდნელი ნაწარმოებებია, რომელთა უმეტესი ნაწილი არასოდეს თარგმნილა ქართულ ენაზე. მსოფლიო კლასიკოსები ამჯერად პატარა მკითხველებს ელოდებიან.