ამ წიგნით მსურს ტაძრელთა - ტამპლიერთა ორდენის ისტორიას უფრო ვრცლად დავუთმო ქართულენოვანი მკითხველის ყურადღება, უფრო ღრმა კვლევა და ანალიზი წარმოგიდგინოთ, ძვირფასო მკითხველო, ამ საინტერესო, საიდუმლოებით მოცულ და გავლენიან რაინდთა ორდენზე, რომელსაც ჩემის ღრმა რწმენით საკუთარი არსებობა მე-14 საუკუნეში ნამდვილად არ შეუწყვეტია და დღესაც აქტიურად მოღვაწეობს. ამ თემას სხვა გამოცემებსაც ვუძღვნი, სადაც ტამპლიერთა ორდენს კიდევ სხვა რაკურსითაც წარმოგიდგენთ. ტაძრელთა ორდენი არ არის მასონური საძმოს ნაწილი, ის ცალკე არსებული ორდენია, რომლის წევრთა ნაწილი, მე-14 საუკუნეში დევნის გამო, გაწევრიანდა მასონთა გილდიებში და თუ რა მოუტანეს მათ მასონებს, სწორედ ამაზე, სხვა გამოცემაში ვისაუბრებ.