ებრაელთა წერილის დაწერის მიზეზი გახდა ებრაელთა კვლავ იუდეველობაზე მიქცევა და ქრისტიანებთან ერთად სამლოცველო შეკრებებზე უარის თქმა. ეს იყო შედეგი ებრაელ ქრისტიანთათვის იმ ძალზე ძნელი გადაწყვეტილების მიღებისა, რომ მთლიანად განეშორებინათ აზრი ძველაღთქმისეული კანონის მნიშვნელობისა და აუცილებლობის შესახებ, და ფუჭი ოცნება მიწიერი იერუსალიმის მეფის სახით მესიის მოსვლისა. მღვდელმთავარ ანანიას დროს, უფლის ძმის - იაკობის მოკვლის შემდეგ, პალესტინის იუდეველებმა განსაკუთრებულად სასტიკი ომი გამოუცხადეს ქრისტიანობას იუდეაში: ისეთი დაუნდობელი დევნა დაიწყო, რომ მრავალმა სულით სუსტმა ქრისტიანმა ქრისტიანული საკრებულოები მიატოვა და იუდაურს მიაშურა. როდესაც ამის შესახებ შეიტყო პავლე მოციქულმა დაწერა თავისი ეპისტოლე იმ მიზნით, რომ ახალი აღთქმის დიდი უპირატესობა ეჩვენებინა ძველის წინაშე. ეპისტოლეს სავარაუდოდ დაიწერა იტალიაში, რომში პავლე მოციქულის პირველი პატიმრობიდან გათავისუფლებისთანავე მცირე ხნით ადრე 63 - 64 წელს.