ასე, წვრილმანი უსიამოვნებებით, მთლიანობაში კი მაინც ძალზე ხალისიანად, მიფრინავდნენ სიზმარშორეთისკენ. ჰოდა, მრავალი მთვარის შემდეგ, როგორც იქნა, მიუახლოვდნენ. მთელი ამ ხნის განმავლობაში სულ პირდაპირ მიფრინავდნენ, არა მხოლოდ იმიტომ, რომ პიტერმა და წკრიალამ გზა ზედმიწევნით იცოდნენ, არამედ იმიტომაც, რომ კუნძული თვითონაც მათ შესახვედრად მოფრინავდა. მხოლოდ ასე შეიძლება მიაღწიო მის ჯადოსნურ ნაპირებს.