წიგნი გერმანულიდან თარგმნა კონსტანტინე გამსახურდიამ. „დასავლეთის ფრონტი უცვლელია“ არის ერიხ მარია რემარკის (1898-1970) რომანი, რომელმაც ავტორს უდიდესი პოპულარობა მოუპოვა. რომანი აღწერს უბრალო ჯარისკაცის თვალით დანახულ პირველი მსოფლიო ომის საშინელებებს. რემარკი თავად იყო ომის ვეტერანი, იგი იბრძოდა 1917 წლიდან ომის ბოლომდე და არაერთხელ იყო დაჭრილი. ეს რომანიც, როგორც მისი რამდენიმე მომდევნო რომანი ავტობიოგრაფიული ხასიათისაა.