"დეტექტივების მწერალი არიადნა ოლივერი ჰელოუინის აღსანიშნავ წვეულებაზე მეტად უცნაური ამბის მოწმე გახდა - 13 წლის ჯოისმა განაცხადა, რომ „მკვლელობა დაინახა“, მაგრამ მას არავინ დაუჯერა, ის ხომ ერთი ფანტაზიორი გოგონა იყო, ტრაბახიც უყვარდა. სულ რამდენიმე წუთში კი საშინელი რამ მოხდა - ჯოისი ვაშლებით სავსე ვედროში ჩამხრჩვალი იპოვეს. ვის დასჭირდა გოგონას მოკვლა? ვის შეეშინდა მისი მონათხრობის, ვინ მოიშორა ლაქლაქა მოწმე? ვინ დაადგენს, რა მოხდა სინამდვილეში? რა თქმა უნდა, შეუდარებელი ერკიულ პუარო თავის დაუდეგარ მეგობართან, არიადნა ოლივერთან ერთად. "