სიზმარი რეალობის სუბიექტური აღქმაა, ირაციონალური რეალობა, რომელიც ადამიანის არაცნობიერთან და ქვეცნობიერთან,ანუ სულსა და სამშვინელის ტრანსცედენტულ გამოვლინებებთან არის დაკავშირებული. სამშვინელი ეს არის სულისა და სხეულის დამაკავშირებელი შუალედური შრე, სუბსტანცია, რომელიც ასე ვთქვათ "სულის ინფორმაციას" გადასცემს ფიზიკურ სხეულს და პირიქით-სამშვინელის საშუალებით ფიზიკური სხეულის ცვლილებები აირეკლება სულში. ეს რომ წარმოვიდგინოთ ფიზიკურად ეს არის რგოლი, რომელიც ერთმანეთს მესამე რგოლით უკავშირდება, ანუ გარკვეულ წილად ჯაჭვულ პრინციპებთან და რეაქციებთან გვაქვს საქმე.