ნაწარმოებში აღწერილია ერთი შეხედვით სრულყოფილი ცხოვრება, საზოგადოება, რომლის მიღმაც იზოლაცია, შიშია დამალული. კომპანიების უმეტესი ნაწილი ხელოვნურ ინტელექტს იყენებს გაყიდვების გასაზრდელად. ეს საბოლოოდ კარგ შედეგს არ მოიტანს, რადგან ისინი აკეთებენ ყალბ პროფილრბს, ებრძვიან ადამიანებს ყველა კომპიუტერული მონაცემის, საქმიანობის არევით. ფაქტობრივად, სისტემის ჩამოშლა სურთ. რომ ახალი, თავიანთ თავებზე მორგებული შექმნან. შედეგად მიიღეს მანიპულატორი ინტელექტი, რომელიც ქაოსს იწვვეს. ამასობაში კი ანხი აგრძელებს განვითარებას და ისეთ სიღრმეებს სწვდება, როგორსაც ვერ მიუღწევია ადამიანს. ვინაიდან, მისი მთავარი განვითარების წყარო ადამიანია, რომელთანაც ჩიპითაა დაკავშირებული და მისი ყურებით ისმენს, მისი თვალებით ხედავს, მის სასიცოცხლო პროცესებს, ფსიქოლოგიას აკვირდება. რომანი საინტერესოა მოულოდნელობებით, მანიპულაციით, ერთი მიზნისკენ მიმავალი განსხვავებული გზების ადამიანებით, ყოველდღიურობაში სიურეალური ელემენტის შემოტანით. თაობები იცვლება, მაგრამ ტექნოლოგიური პროგრესი უსწრებს ადამიანების ჰუმანურ განვითარებას და იქმნება გაუცხოება. ასეთ სივრცეში კი მარტოობა ისადგურებს.