როდესაც მთელ ცხოვრებას თავშესაფრის მიწისქვეშა საპყრობილეში ატარებ და შენი ერთადერთი მიზანი გაქცევაა, აღარ ფიქრობ, რომ შესაძლოა გარეთ რაიმე უარესი დაგხვდეს. სამყარო სადაც მეგობრისთვის თავს არავინ სწირავს... ნადავლს არავინ იყოფს... ერთმანეთის საქმეში არავინ ერევა და კითხვებს არავინ სვამს... სადაც ნდობას არ ითხოვენ და ღალატი არ სწყინთ... სამყაროში, სადაც გვირგვინის მორჩილება ერთგულებას არ ნიშნავს... და სადაც განსხვავებულებს ყოველთვის თავის გადარჩენისთვის უწევთ ბრძოლა... მაგრამ... ყოველთვის გამოჩნდება ვიღაც, ვინც ამ სამყაროს წესებს არ ემორჩილება და ყველაფერს თავდაყირა აყენებს...” სწორედ ასეთი ადამინის თავგადასავალს მოგვითხრობს „მთვარეული“.