ბალღამი ნაუბარ ენაზე - ღებინებისას ამოსული ნაღვლის წვენი ყოფილა. თქვენს წინაშეა - მარად ღრმა სინანულში ჩაძირული რეალობის ამსახველი მიკიბვ-მოკიბვები. უკუნეთ სიბნელეში მიაბიჯებს ვერია მათე, თეთრი ყორნები ელანდება და ფეხსაც იქნებ ამიტომ უჩქარებს. ჯიუტად მიათრევენ ვერიას თვალები წუხილს. ორ სიტყვა-შუა შედგება ვერია და ყორნების ჩრდილ-შუქებს ნაღველს მიაპყრობს. გუდაში სინანულის, შიშის და ქაოსის ის ნაჭრები უდევს, რომლებსაც ვერ ერევა.