აკაკი წერეთლის შემოქმედებაზე, განსხვავებით სხვა თერგდალეულებისაგან, გავლენა არ მოუხდენია რუსულ რევოლუციურ და ლიბერალურ ლიტერატურას. ის შთაგონებას ეძებდა ხალხურ შემოქმედებაში, საქართველოს ისტორიაში, ქართველი ხალხის დემოკრატიულ და ნაციონალურ მისწრაფებებში. მან ილია ჭავჭავაძესთან ერთად მოახდინა ქართული ენის რეფორმა და დაუახლოვა ის ხალხურ მეტყველებას. მისი პოემებისა და მოთხრობებისთვის დამახასიათებელია პატრიოტული იდეოლოგია, ისტორიული მონუმენტურობა, წარსულის იდეალიზაცია და თანამედროვე ქართველობის კრიტიკა. აუდიო წიგნში შესულია აკაკი წერეთლის მოთხრობები: „დათუნა გოცირიძე“, „წმინდა გიორგის რაზმი“, „რაჭის ერისთავი როსტომი“.