სამეგრელო თავისი ისტორიული წარსულით და ყოფა-ცხოვრებით წარმოადგენს ფრიად საინტერესო კუთხეს. მაგრამ ის დღემდის არ ყოფილა სათანადოდ შესწაელილი და გამოკვლეული. მართალია, სამეგრელოს ისტორიითა და ყოფა-ცხოვრებით დაინტერესება წარსულში დიდი იყო და არა ერთ მოგზაურს აუწერია მისი ბუნება, ისტორია და ზნე-ჩეეულებანი, მაგრამ ამ უცხოელ მისიონერებს და მოგზაურებს, რასაკვირველია, არ შეეძლოთ მოეცათ ძველი სამეგრელოს ნამდვილი სურათი და მისი ობიექტური ისტორიულ-ეთნოგრაფიული აღწერილობა. ამიტომ დღეს სერიოზულად გვმართებს კარგად და საფუძვლიანად ვიცოდეთ ჩვენი სამშობლოს ისტორიული წარსული და ყოფა-ცხოვრება.