გამხმოვანებელთა ჯგუფი: ნუგზარ ყურაშვილი; აუდიოდესკრიპტორი - თამარ სოლოღაშვილი. აუდიო წიგნში „რაოდენობრივი წიგნიერება“ გადმოცემულია იმ უნარ-ჩვევების ერთობლიობა, რომელთა დაუფლება სტუდენტს უადვილებს რიცხვის არსის გააზრებას, რაოდენობის სხვადასხვა ხერხით გამოსახვას, რიცხვებს შორის მიმართებების გაგებას, რაოდენობათა შედარებას. წინამდებარე სახელმძღვანელო ეფუძნება შესაბამისი სახელწოდების სასწავლო მოდულს და მისი მიზანია სტუდენტმა შეიძინოს ცოდნა რაოდენობრივი და მათემატიკური კომპეტენციების განვითარების მიზნით, ამავე დროს კონკრეტული პროფესიის დაუფლებისთვის გამოიმუშავოს პრაქტიკული უნარ-ჩვევები, რომლებიც გამოთვლებთან, გაზომვებთან, ალბათობასა და მონაცემთა ანალიზთან არის დაკავშირებული. ასევე სახელმძღვანელოში მოცემულია ინფორმაცია სათაურით „ეს საინტერესოა“, რომელიც ინტერესს აღუძრავს სტუდენტს მეცნიერების დარგების მიმართ, მომავალი პროფესული განვითარების მიზნით.