— „მარეგულირებლები“ ბნელი ფენტეზისა და მისტიკური თრილერის ნაზავია. ამბავი იწყება ქალაქში, სადაც უცნაური „სულის პანდემია“ ვრცელდება — ადამიანები საკუთარ თავს კარგავენ, ქალაქი ქაოსში ეფლობა და თითქოს უხილავი სიბნელე ქუჩებში ცოცხლდება. ამ დროს ჩნდებიან სამი უცნობი ფიგურა: ოფიცერი რაილი, მამა ადრიანი და კაპიტანი ვალიანი. არავინ იცის ზუსტად ვინ არიან, საიდან მოვიდნენ და რატომ იციან იმ ძალების შესახებ, რაც ჩვეულებრივ ადამიანებს არც კი სჯერათ. წიგნის მთავარი ძალა ატმოსფეროა — წვიმიანი ქუჩები, ცეცხლში გახვეული ქალაქი, დემონური სახელები, ძველი რიტუალები და განცდა, რომ პერსონაჟები რაღაც ბევრად დიდ და საშიშ საიდუმლოს ებრძვიან. სიუჟეტი თავიდან თითქოს უბრალოდ დემონურ მოვლენას ჰგავს, მაგრამ მერე ნელ-ნელა ირკვევა, რომ ეს ყველაფერი მხოლოდ ერთი ქალაქის პრობლემა არაა. არსებობს შვიდი ბნელი არსება — „ბირთვები“, რომლებიც ადამიანურ სამყაროზე გავლენის მოხდენას ცდილობენ. ეს არაა უბრალოდ დემონებზე წიგნი. ესაა ისტორია წესრიგსა და ქაოსზე, შიშზე, სიბნელის „დალუქვაზე“. ესაა წიგნი არსებებზე, რომლებიც ადამიანებთან მხოლოდ მაშინ ჩნდებიან, როცა სამყაროს სხვადასხვა პლანეტაზე ბალანსი ირღვევა — როცა სიბნელე ზღვარს გადადის, წესრიგი ინგრევა და რეალობას უხილავი ძალები ემუქრება. ასეთ დროს ჩნდებიან „მარეგულირებლები“ — იდუმალი არსებები. თუ მოგწონს: * „Constantine“ * „Dark“ * „Bloodborne“-ის ატმოსფერო * გოთიკური დეტექტივი * ეკლესიური მისტიკა * და კოსმიური ფენტეზი მაშინ „მარეგულირებლები“ ძალიან დაგამახსოვრდება.