პოეტ გაგა ნახუცრიშვილის სახელი, მისი ლექსები, ინდივიდუალური ხელწერა, გულწრფელი და დრამატული პოეზია დიდი ხანია, რაც ძალიან შეიყვარა ქართველმა მკითხველმა. ეს ისეთი პოეზიაა, რომელსაც ყოველთვის მოძებნიან და იპოვიან ახალგაზრდა, სიცოცხლით და სიყვარულით სავსე გულები, ინტელექტუალური პოეზიის მოყვარულები თუ ემოციური პოეზიით აღტაცებული ადამიანები. გთავაზობთ გაგა ნახუცრიშვილის პოეზიის ახალ კრებულს, რომელიც, ისევე როგორც მისი წინამორბედები, ღირსეულ ადგილს დაიმკვიდრებს მკითხველთა საწერ მაგიდაზე თუ სასთუმალთან.