სიზმარი, სიზმრის არსი, სიზმრის საიდუმლო უხსოვარი დროიდან აფორიაქებდა ადამიანების ცნობისმოყვარეობას და წარმოსახვას, ზოგიერთ მითოლოგიაში სიზმარს თავისი ღმერთი ჰყავდა, რომელიც სიკვდილის ღმერთის ძმა იყო, ზოგან - სიზმარი ღმერთების დანაბარების გადმოცემის გზა იყო, ზოგჯერ-წინასწარმეტყველება... შემდეგ სიზმარმა ასახვა ლიტერატურაში ჰპოვა, დღემდე არ ცხრება ინტერესი სიზმრის ფენომენის მიმართ. მიუხედავად იმისა, გჯერათ თუ არა სიზმრების, გახსოვთ თუ არა დილით, უყვებით თუ არა გამდინარე წყალს, ეს წიგნი მაინც დაგაინტერესებთ, როგორც სახალისო და ჩამთრევი საკითხავი, ზოგიერთმა კი იქნებ საკუთარი სიზმრიდან გამოყოლილ კითხვებსაც გასცეს პასუხი...