რაფაელო ჯიოვანოლის „სპარტაკი“ პირველად 1874 წელს გამოქვეყნდა და მომდევნო თხუთმეტი წლის განმავლობაში ხუთჯერ გამოიცა. მას მერე ის მრავალ ენაზე ითარგმნა. მისი სიუჟეტის მიხედვით არაერთი ფილმი შეიქმნა. წიგნი ისტორიულ სინამდვილეზეა აგებული. მასში დაწვრილებითაა აღწერილი ძველ რომაელთა ყოფა; გამოგონილ პერსონაჟებთან ერთად მოხსენიებულია არაერთი ისტორიული პიროვნება, რომელთაც მნიშვნელოვანი ადგილი ეკავათ მაშინდელ მსოფლიო პოლიტიკაში. ისტორიული პირია ნაწარმოების მთავარი პერსონაჟიც, სპარტაკი – ერთ-ერთი ყველაზე ცნობილი რომაელი გლადიატორი, რომელსაც წლების განმავლობაში აიძულებდნენ, არენაზე გასულიყო და ხალხი გაერთო, რათა საყვარელი ქალის ნახვის უფლება მოეპოვებინა. სპარტაკი მეთაურობდა მსოფლიო ისტორიაში მონათა ერთ-ერთ ყველაზე დიდ აჯანყებას, რომელიც რომაელებმა საბოლოოდ სისხლში ჩაახშეს.