თანამედროვე ამერიკული ლიტერატურის კლასიკოსის, პულიცერის პრემიის ლაურეატ კორმაკ მაკარტის რომანი „მოხუცების ადგილი აქ არ არის“ 2005 წელს გამოიცა. ეს გახლავთ იგავი – მოდერნიზებული ვესტერნი, რომლის მთავარი გმირი, ვიეტნამის ომის ვეტერანი ლუელინ მოსი, ტეხასის მთებში ანტილოპებზე ნადირობისას გადააწყდება ბანდიტური გარჩევის კვალს – გვამებს, ნარკოტიკებს და კეისს ორი მილიონი დოლარით. იგი ცდუნებას ვერ უძლებს, ფულს იღებს და გარბის. ლუელინს აედევნება დემონური კილერი ჩიგური, ხოლო ამ უკანასკნელს ფეხდაფეხ მისდევს შერიფი ბელი... სერია „კინობიბლიოთეკა“ იმ წიგნებს მოიცავს, რომელთა ეკრანიზაციებმაც დიდ წარმატებას მიაღწია. კორმაკ მაკარტის ამ რომანის მიხედვით ძმებმა ჯოელ და ეთან კოენებმა გადაიღეს ამავე სახელწოდების ფილმი ხავიერ ბარდემის, ჯოშ ბროლინისა და ტომი ლი ჯონსის მონაწილეობით. 2008 წელს ფილმმა არაერთი პრესტიჟული კინემატოგრაფიული ჯილდო მოიპოვა, მათ შორის „ოსკარი“ ამერიკული კინოაკადემიის ოთხ ნომინაციაში.