ამერიკელი მწერალი ქენდის ბუშნელი მსოფლიომ გაიცნო წიგნით „სექსი დიდ ქალაქში“, რომელიც მოგვიანებით ცნობილ ტელესერიალს დაედო საფუძვლად. ქართველ მკითხველს გამომცემლობა „პალიტრა L“-მა ავტორის რამდენიმე რომანი შესთავაზა. ქენდის ბუშნელის კიდევ ერთი ბესტსელერის – „ყველაფერი იყიდება“ – მთავარი გმირი – ლამაზი, მაგრამ გონიერებით არცთუ გამორჩეული მოდელი ჯეინი უილკ ოქსი ცდილობს, გახდეს ცნობილი და ჰქონდეს ბევრი ფული, მიზნის მისაღწევად კი იოლ გზას ირჩევს. „მდიდარ და გავლენიან მამაკაცებთან ურთიერთობით გზის გაკვლევა ადვილია,“ – დარწმუნებულია ის და უკან არაფერზე იხევს. შეიძლება ჯეინი უკვე დაბერდა სუპერმოდელობისთვის, მაგრამ მიზანდასახული ადამიანი წარმატების მისაღწევად სხვა გზასაც იპოვის. მკითხველი, ალბათ, სხვადასხვაგვარად შეაფასებს მთავარი გმირის ცხოვრების გზას, თუმცა, დარწმუნებული ვართ, ინტერესით წაიკითხავს რომანს.