თეიმურაზ დოიაშვილისა და ლევან ბრეგაძის წიგნში შესულია წერილები და ესეები ძველი, ახალი და უახლესი ქართული მწერლობის ნიმუშებზე, იმ ავტორებსა და თხზულებებზე, რომლებსაც საჯარო სკოლის პროგრამა ითვალისწინებს. ამ ნაწარმოებების პრობლემატიკასა და მხატვრულ თავისებურებებზე დაფიქრება გონებრივ თვალსაწიერსაც გაგვიფართოებს, ცხოვრების ავ-კარგის გარჩევის უნარსაც გაგვივითარებს და ესთეტიკურ სიამოვნებასაც მოგვანიჭებს.