ფრანგული ლიტერატურის კლასიკოსის – პოეტის, დრამატურგის, რომანისტისა და დიდი მოაზროვნის, ვიქტორ ჰიუგოს „რჩეულის“ შვიდტომეული მის პროზაულ შედევრებს უყრის თავს. "პარიზის ღვთისმშობლის ტაძარი" მისი ერთ-ერთი ყველაზე მნიშვნელოვანი რომანია. ცნობილია, რომ ვიდრე ,,პარიზის ღვთისმშობლის ტაძარს’’ დაწერდა, ჰიუგომ კარგად შეისწავლა ფრანგული გოთიკის ბრწყინვალე ნიმუში და ხუროთმოძღვრების ეს დიდებული ძეგლი. რომანში ამ ტაძრის ირგვლივ ვითარდება XV საუკუნის პარიზის ცხოვრება, რომელიც ზოგადსაკაცობრიო პრობლემების: სიყვარულის, ცოდვისა და სიკვდილის გარშემო ტრიალებს.