ახალგაზრდა პერსპექტიული იურისტი მიტჩერ მაკდირი წარჩინებით ამთავრებს ჰარვარდის უნივერსიტეტს და სამუშაო კონტრაქტს აფორმებს ელიტურ, დახურულ კერძო ფირმასთან. მალევე გამოძიების ფედერალური ბიუროს დირექტორისგან არჩევანის წინაშეა - ითანამშრომლოს ფედერალებთან და მიაწოდოს საჭირო სამხილები ფირმის წინააღმდეგ, ან უარი თქვას სამართალდამცავებთან თანამშრომლობაზე, ან განაგრძოს მუშაობა ფირმაში, გახდეს მისი კომპანიონი და რამდენიმე წელიწადში პირველი მილიონი მიითვალოს საკუთარ ანგარიშზე. „ფირმა“ ჯონ გრიშემის რიგით მეორე რომანია. იგი 1991 წელს დაიწერა და გამოცემისთანავე ბესტსელერად იქცა. ჰოლივუდმა ნაწარმოების ეკრანიზაციის უფლება ავტორისგან 600 ათას დოლარად შეიძინა. ფილმი სიდნი პოლაკმა გადაიღო. მიტჩი მაკდირის როლი ტომ კრუზმა შეასრულა.