ჰიროტაკე მაედა ჩვენი ქვეყნის ისტორიისა და კულტურის დიდი მოამაგეა. პროფესიით ირანისტია, იკვლევს კავკასიური წარმოშობის მოღვაწეებს სეფიანთა ირანის შაჰის კარზე. სწორედ ამ საკითხზე მუშაობისას გაეცნო პირველად საქართველოს. რამდენიმე წლის წინ მან ინგლისურ ენაზე მოზრდილი სტატია გამოაქვეყნა, რომელსაც ცალკე წიგნად ვთავაზობთ ქართველ სამეცნიერო საზოგადოებას. მასში საქართველოს ისტორიისათვის უაღრესად საინტერესო ახალი მასალები და დასკვნებია, რომლებიც ჰიროტაკემ რამდენიმეწლიანი კვლევის შედეგად მიიღო.