ამერიკელი მწერლის, სტივენ კინგის (1947) ”წელიწადის დრონი” ოთხი მცირე რომანისაგან შედგენილი კრებულია, რომელიც პირველად 1982 წელს გამოქვეყნდა. წიგნის ბოლოსიტყვაობაში კინგი აღნიშნავს: ”...ბოლო დროს მხოლოდ ამას მეკითხებიან: ”საშინელებების გარდა კიდევ რამეს წერთ თუ არა?” ეს კრებული სწორედ ამ შეკითხვის პასუხია - ”რიტა ჰეიუორთი და გაქცევა შოუშენკის საპატიმროდან”, ”ნიჭიერი მოწაფე”, ”გვამი” და ”სუნთქვის მეთოდი” განსხვავდება კინგის სხვა წიგნებისგან და ერთი ჟანრის ფარგლებს სცილდება. ”წელიწადის დრონის” ოთხი რომანიდან სამის მიხედვით ცნობილი ფილმებია გადაღებული.