გი დე მოპასანი (1850-1893) მეცხრამეტე საუკუნის ფრანგი მწერალია, რომლის კალამს ეკუთვნის ექვსი რომანი და მრავალი ნოველა, მათ შორის საკმაოდ გახმაურებული ნოველა „ორლა“. ეს ფანტასტიკა შეზავებული ნაწარმოები მწერალმა შემოქმედებითი მოღვაწეობის ბოლო წლებში დაწერა. მისი გამოქვეყნების შემდეგ ნელ-ნელა თვითვე შეიპყრო სიგიჟის ნიშნებმა და ბოლოს გარდაიცვალა კიდეც ორმოცდასამი წლის ასაკში. ორლა ზებუნებრივი არსებაა, რომელიც ნაწარმოების გმირს ეწვევა და მის დამონებას ცდილობს. ნოველა წარმოადგენს მთავარი გმირის მიერ მოთხრობილი განცდებისა და დაკვირვებების დღიურს, რისი მეშვეობითაც მკითხველი თვალს ადევნებს ორლას საქციელს და ავტორთან ერთად ღელავს იმაზე, თუ როგორ დასრულდება ეს ყველაფერი...