სოფლიდან თბილისში ჩასული ნიჭიერი ბიჭი კრიმინალურ დაჯგუფებას შექმნის. ის ფიზიკის ფაკულტეტზე სწავლობს, ფიზიკის ინსტიტუტში მუშაობს, ქართველი რომანტიკოსების ლექსები იცის ზეპირად, მაგრამ არც მას, არც მის მეგობრებს ფული არ აქვთ. ამ პრობლემის გადასაჭრელად კი, ფორმულებს იარაღი ჯობს. ასე იქმნება კრიმინალური საძმო, რომელიც ფიზიკის ინსტიტუტის თანამშრომლებისგან შედგება. უფრო მნიშვნელოვანი კი ის არის, რომ მთავარ გმირს ბავშვობისას მონასმენი ფრაზა: ,,მთვარეზე კოოპერატივის გახსნა'' აეკვიატება და მთელი ცხოვრება აწვალებს, როგორც მიუწვდომელი საქმე.