თუ გსურთ თვალი მიადევნოთ თანამედროვე ქართულ პროზას, კრებული "15 საუკეთესო ქართული მოთხრობა”იდეალური მეგზურია. კრებულში შესულია 2009 წელს ქართულ ლიტერატურულ პრესასა და კრებულებში გამოქვეყნებული მოთხრობებიდან შერჩეული 15 საუკეთესო მოთხრობა. თითოეული მათგანი ამავე დროს არის ნომინანტი პრემიისა "წლის საუკეთესო მოთხრობა", რომელსაც "ბაკურ სულაკაურის გამომცემლობა" წელს უკვე მეშვიდედ გადასცემს სამი საუკეთესო მოთხრობის ავტორს.