სერვანტესს ურთულესი ცხოვრება ხვდა წილად, გაჭირვება, იმედგაცრუება, ჯარი, ციხე, უსამართლობა და მეკობრეების ტყვეობაც კი, იქნებ სწორედ ამ ცხოვრების შედეგია მისი პერსონაჟის - დონ კიხოტ ლამანჩელის ურყევი რწმენა, მაღალი იდეალები და ყოველდღიური მზადყოფნა ბრძოლისთვის, სუსტის დასაცავად, უსამართლობის დასამარცხებლად... საინტერესოა, რომ დონ კიხოტის ამბავი უფრო ადრე იწყება, ვიდრე მის თხრობას მწერალი იწყებს. დიახ, იწყება იმ წიგნებში, სარაინდო რომანებში, რომელთა კითხვამაც გადააწყვეტინა 50 წლის დონ კიხოტს, ცხოვრების გზა მთლიანად შეეცვალა და რომანტიკული იდეებით გამოტენილი თავი მუზარადის ქვეშ.