„ადამიანი ჯამბაზია, რომელიც თოკზე ცეკვავს უფსკრულის პირას,“ - წერდა ონორე დე ბალზაკი „შაგრენის ტყავში“. რომ არა ეს მწერალი, თანამედროვე ლიტერატურა დღეს ალბათ სულ სხვაგვარი იქნებოდა. ბალზაკმა დაუდო საფუძველი რეალიზმს, შექმნა რომანის ახალი ფორმები და საოცრად ცოცხალი ადამიანური ისტორიები დაგვიტოვა. ფინანსური გაჭირვების, სუსტი ჯანმრთელობისა და მიუწვდომელი სიყვარულის მიუხედავად, ბალზაკმა რთულ ცხოვრებაზე გაიმარჯვა და დიდი ლიტერატურული ეპოქა შექმნა.