„დასავლეთის ფრონტი უცვლელია“ არის ერიხ მარია რემარკის (1898-1970) რომანი, რომელმაც ავტორს უდიდესი პოპულარობა მოუპოვა. რომანში აღწერილია პირველი მსოფლიო ომის (1914-1918) მოვლენები, რომლის მონაწილეც ავტორი თავად იყო. რომანში შექმნილი რეალური ომის ატმოსფერო მკვეთრად გამოირჩეოდა და უპირისპირდებოდა იმ დროისთვის გავრცელებულ ჰეროიკულ ლიტერერატურას. ფრონტის ამბავი მოთხრობილია „დაკარგული თაობის“ ჯარისკაცის მიერ. გადმოცემულია ომის სრული უაზრობის განცდა, რასაც ამძაფრებს უიმედობა და გარდაუვალი დამარცხების მოლოდინი.