“ანგელარიუმში” შემავალი ლექსები 10 წლის განმავლობაში, 2006-2016 წლებში იწერებოდა. შესაბამისად, წიგნი სტილურად არაერთგვაროვანია. თუმცა, არის რამდენიმე ზოგადი პრინციპი, რაც კრებულში შემავალ ლექსებს აერთიანებს. პირველი: ესაა სურვილი, მცდელობა, თხზვისას, წერისას - ინდივიდუალური, პირადი ხედვის კუთხე იმგვარად გაფართოვდეს და გაიხსნას, რომ შეძლოს ანგელოსებრივამდე ამაღლება, ისე, რომ ინდივიდუალური ელემენტი კი არ დაიკარგოს, არამედ ტრანსფორმირდეს, გაეხსნას, გაეშალოს ანგელოსებრივს.