2012 წლის "100 ლექსი" არც ანთოლოგიაა, არც ალმანახი და, მით უმეტეს, არც რანგთა ტაბელი. უბრალოდ, შეირჩა და შეიკრიბა 2012 წლის ლიტერატურულ პერიოდიკაში გამოქვეყნებული ლექსები, რომლებმაც ყურადღება მიიქციეს დროის სულისკვეთების ორიგინალური გადმოცემითა და თანამედროვე პოეტური ტენდენციების ეფექტური გამოხატვით. ეს არის ცდა. ცდა იმისა, რომ ერთი წლის ჭრილში წარმოგვეჩინა თანამედროვე ქართული ლექსი, მისი ესთეტიკური და საზოგადოებრივი იდეალები, მისი ფორმა, შინაარსი, სტილი. ვფიქრობთ, საინტერესო სურათი მივიღეთ. კრებულში შესული არიან ცნობილი და ასევე დებიუტანტი ავტორები: გივი ალხაზიშვილი, დიანა ანფიმიადი, ბაღათერ არაბული, ჯემალ აჯიაშვილი, დალილა ბედიანიძე, სალომე ბენიძე, ზაზა ბიბილაშვილი, ანდრო ბუაჩიძე, ელა გოჩიაშვილი, ბათუ დანელია, ნინო დარბაისელი, ზაალ ებანოიძე, რეზო ესაძე, ნატა ვარადა, ეთერ თათარაიძე, ირაკლი კაკაბაძე, გენო კალანდია, ლინნეა კარლსონი, გიორგი კეკელიძე, ემზარ კვიტაიშვილი, ლია ლიქოკელი, ალექსანდრე ლორთქიფანიძე, დათო მაღრაძე, ნინო ნადირაძე, გაგა ნახუცრიშვილი, ქეთი ნიჟარაძე, ნინო სადღობელაშვილი, ლია სტურუა, ჯარჯი ფხოველი, ქეთევან შენგელია, ჯასუღ ჩარკვიანი, ბელა ჩეკურიშვილი, მანანა ჩიტიშვილი, ვანო ჩხიკვაძე, მამუკა წიკლაური, მარიამ წიკლაური, ტარიელ ჭანტურია, ტარიელ ხარხელაური, ვახტანგ ჯავახაძე, კატო ჯავახიშვილი, გვანცა ჯობავა, ნიკა ჯორჯანელი. კრებული შეადგინა და წინასიტყვაობა დაურთო ივანე ამირხანაშვილმა.