11 წლის შავკანიანი გოგონა ცისფერ თვალებზე ოცნებობს, ისეთზე, როგორიც მის თეთრკანიან და ქერა თანატოლებს აქვთ ამერიკაში. ცისფერი თვალებით უფრო იოლად გაუმკლავდებოდა სასტიკ სინამდვილეს მოძალადე მამას, გაჭირვებისგან გულგაქვავებულ და თავმობეზრებულ დედას, დამცინავ და დაუნდობელ თანაკლასელებს... არავინ წამოსძახებდა, შე მახინჯოო... მაგრამ ღმერთს არ ესმის მისი ვედრება, „უფლის შუაკაცმაც” მოატყუა ცისფერ თვალებს დაჰპირდა და ბებერი, ავადმყოფი ძაღლი კი მოაწამვლინა. შეშლილი გოგონა ნუგეშს წარმოსახვით მეგობართან,არსებითად თავის მეორე „მესთან” ეძებს, რომელიც არწმუნებს, ნამდვილად ცისფერი თვალები გაქვსო...