ჯადოსნური თავგადასავალი, "ნარნიის ქრონიკების" მეხუთე წიგნშიც გრძელდება! როგორც მეოთხე წიგნის დასასრულს ითქვა, სიუზენი და პიტერი უკვე გაიზარდნენ, ამიტომ ნარნიაში ამჯერად მხოლოდ ედმუნდი და ლუსი ხვდებიან. შემთხვევითობის წყალობით, ასლანის ქვეყანაში გადასვლის დროს მათთან ერთად მათი ბუზღუნა, გულღრძო ბიძაშვილი, იუსტასიც აღმოჩნდება. სამივე ერთად მოულოდნელად თავს ამოჰყოფს უფლისწულ კასპიანის ხომალდზე, "განთიადის დამმორჩილებელზე", რომელიც მირაზის მიერ გადასახლებული ლორდების საძებნელად შორეულ მოგზაურობაში მიემართება. ღრმა წყლებში და შორეულ მიწებზე ბავშვებს წინ უამრავი თავგადასავალი და განსაცდელი ელით. ეს მოგზაურობა მათი სიმტკიცისა და კეთილშობილების ნამდვილი გამოცდაა. რასაკვირველია, ასლანი მუდამ თან სდევთ და მისი შემწეობით ბოროტებაზე ყოველთვის სიკეთე იმარჯვებს.