ამ კრებულში თავმოყრილი მოთხრობებიდან კაფკას სიცოცხლეში მხოლოდ სამი გამოქვეყნდა, „დიდი ხმაური“, „კანონის წინ“ და „ძველი ფურცელი“. დანარჩენი მოთხრობები მისი ვრცელი მემკვიდრეობიდან არის, რომლებიც კაფკას მეგობარმა და მისი ლიტერატურული მემკვიდრეობის განმკარგველმა, მაქს ბროდმა, როგორც თვითონ წერს, „შედარებით გრძელი თუ მოკლე მოთხრობების, დაკვირვებების, ჩანაწერებისა და ფრაგმენტების თითქმის თვალუწვდენელი სიმრავლიდან“ ამოარჩია და სხვა ნაწერებთან ერთად გამოსცა. სათაურებიც, ორის გარდა („ნაჯვარი“ და „კანონების საკითხისათვის“), ბროდს ეკუთვნის.